Псалм 145

преп. Сисој

Прекрасните стихови од, како што го нарекуваат: „Псалтир“-от на светиот Пророк и Цар Давид, денес, како и во многу други епохи од постоењето на човекот, биваат читани повеќе од било кои други стихови на Стариот Завет. Сведочам дека постојат места, кадешто поезијата на Псалмите се пее без престан.

Следува Псалмот 145, и претходно, краткото толкувањето на стиховите 3 и 4, од споменатиот Псалм, којшто, познато ви е, го слушаме секоја недела: „Не ја потпирајте вашата надеж и вашите убедувања во водачите од овој свет, во синовите на трулежните луѓе, коишто немаат моќ да ве спасат. Духот на секого од нив ќе излезе од неговото тело и телото ќе се врати во земјата негова. Во тој ден на смртта, ќе се изгубат сите мисли и планови нивни.“

Псалм 145

1. Прославувај Го, душо моја, Господа.

2. Ќе Го прославувам Господа во животот мој,

ќе Му псалмопеам на Бога мој додека постојам.

3. Не се надевајте на кнезовите,

на синовите човечки, во нив нема спасение.

4. Излегува духот негов и телото ќе се врати во земјата своја,

во тој ден се губат сите помисли негови.

5. Блажен е оној, на кого Бог Јаковов му е помошник негов,

Continue reading “Псалм 145”

Епископ стобиски Давид: Светиот Пророк Давид

Извесно е дека создаденото постои само преку учеството во Несоздадениот, во Нераспадливиот; та, еве нѐ, и денес заедничариме во несоздадената благодат, којашто во изобилие ни се пројавува низ, без престан, празнувањето на овоплотувањето на Логосот Божји. Посакувам денешново кусо слово да биде поттикнувачко токму во однос на празнувањето на животот, во однос на начинот на стекнувањето на несоздадената благодат и славењето на постоењето.

Continue reading “Епископ стобиски Давид: Светиот Пророк Давид”

Светиот Григориј Нисиски за Пророкот Давид

даниил давид соломон

Како благ сопатник на човековото живеење, Пророкот Давид се наоѓа на сите патишта од животот, соодветно се дружи со сите духовни возрасти и блиску е до мнозина што напредуваат. Се игра со младенците, се натпреварува со мажите, ги воспитува младите, ја поддржува староста, секому му станува сѐ. Бива оружје на војниците, тренер на спортистите, борилиште на оние што вежбаат, венец на победниците, радост на трпезата, утеха на погребите. Не постои нешто во нашиот живот што не учествува во оваа благодат. Која силна молитва се збиднува, а Давид да не е поврзан со неа? Која радост од празникот ја вкусуваме без да ја орадости Давид? Во тоа можеме да се увериме и сега;

Continue reading “Светиот Григориј Нисиски за Пророкот Давид”

Епископ стобиски Давид: За светиот пророк и псалмопевец Давид

Со кои слова да го восфалиме, денес, блажениот Давид? На почетокот ќе кажеме дека, кога Давид ќе ја разигра неговата духовна лира преку Псалмите, веднаш се буди нашето најдлабоко вонмем и изразот негов ја омудрува мислата човекова. Следствено, од сите книги на Стариот и Новиот Завет, се чини книгата Давидова е помеѓу омилените на Христијаните, та тие ја имаат во срцето и на усните, ден и ноќ. И на црковните бденија и во домашната молитва, како скапоцено миро Давидовите стихови се разлеваат и на почетокот, и на средината и на крајот од словесната служба Богу. Како што вели светиот Хризостом, пророкот што денес го празнуваме – земјата ја прави небо, а луѓето ги прави ангели!

Continue reading “Епископ стобиски Давид: За светиот пророк и псалмопевец Давид”